S T A R ! ツ منتديآإت { ستآر } لٍآنرضى آلٍآ ب آلٍآبدآإع ! ♥♥ |
| | ششعر لجميع آلقبآيل ,, كل شخص يدخل ويدور قبيلته ,, رووووووعه ,, | |
| | كاتب الموضوع | رسالة |
---|
Moo7a آلمدير آلـــعــآم .. !
عدد المساهمات : 124 تاريخ التسجيل : 03/03/2011 العمر : 31 الموقع : ..آلــمديـنة آلمـنـــورة
| موضوع: ششعر لجميع آلقبآيل ,, كل شخص يدخل ويدور قبيلته ,, رووووووعه ,, الجمعة أبريل 01, 2011 12:46 pm | |
| آلسسسلآم عليييكم , كيف آلحـآل .؟ , آليوم جــآيب لكم ,,
ششعر لجميع آلقــبـآيلْ ,, آتمنى آنهــآ تعجبكم ..
ولبى ـآ آلحروب ,, هههههه ^_^
تفضلو ..
:: يالله يـاخالق اراضيــن وابـحار **** الواحد المعــبود رازق عبـيده
الخـالق الغــفار علام الاسـرار **** وفرق شعوب الارض في كل يده
وابدي واسولف من عذيبات الاشعار **** ابــيات شعر والمعـاني وكيده
اشري وابيع واعرف كيـف بـختار **** واختار من جزل البيوت الـفريده
واذكر تـراث وعز وامـجاد وافخار **** قبائل تومن بديــن و عـقيده
وصلت حضارتنا على سطح الاقمار **** ابنا الجزيرة والجزيره مــجيده
في ظل حكام لهــم فعل واشـوار **** آل السـعود الـلي تفك الضهيده
نسل الزعيم الحاكم العادل البار **** مجدد امجـاد الجــزيره بجيده
حتى اصبحت حره وحنا له انصار **** في ظل اخو نوره هنوف سعيده
وصارت لابو تركي بطوله وتذكار **** والفخر والامجاد تبقى شهيده
وخلف لنا املوك لهم فعل واخبار **** الشعب واحد والقياده رشيده
والامن بانينه على ساس وجدار **** وقرو على العابث عقوبه شديده
وحنا حماة الدار من كل غدار **** وما همنا بطشه وخبثه وكيده
قبائل مالحقناهم اوعار **** وعشنا بهذي الدار عيشه رغيده
والحمد لله نحمده سر واجهار **** شعب تكاتف من سنين مديده
ودون الوطن جيش على كل معبار **** لارفرف البيرق ونادى عقيده
بشرق البلاد وغربها دوم حضار **** وارض الشمال اللي نفوده مديده
وارض الجنوب اللي تخيضر بالاشجار **** جزيرة فيها القبايل عديده
ارض بها قحطان وافين الاشبار **** وياعز منهم بالشدايد بسيده
واذكر عتيبه يوم للطيب مغوار **** لا ثارت الهيجا وقرب ضديده
وشمر هل الطولات والجود مقدار **** اهل الكرم واهل الفعول الحميده
وقوم اعنزه مروين الاخصام الامرار **** اولاد وايل من عصور عهيده
ومطير قوم تكرم الضيف لا زرار **** وياويل خصم في حراهم وعيده
واذكر قبيلة حرب يانعم الاخيار **** وتاريخهم يحكي سطور مجيده
وسبيع نعم القوم ووجيه الاسفار **** زبن الدخيل ليا زبن من طريده
واذكر قبيلة يام والطيب يندار **** اهل العلوم الوافيه والرشيده
ثم الدواسر تجعل الخصم منهار **** عيال زايد عز منهم سنيده
ثم السهول اللي لها الطيب مدرار **** وعن منهج العادات ماهي محيده
ثم اذكر العجمان حماية الجار **** والمرجله والجاه فيهم عتيده
واذكر بني مره طويلين الاعمار **** ما ينقد المري ولا له نقيده
ثم الهواجر لابة تقدح النار **** اهل الركاب اللي خطاها بعيده
واذكر بني خالد قبيلة وامار **** قوم لهم في المجد قول ورصيده
وبني تميم اللي لها الطيب مصدار **** بني تميم وكل فعل تجيده
ثم الزعوب اللي بها الخصم يحتار **** شجعان ماترضى سوا ماتريده
العازمي وافي وفي الطيب بيطار **** روحه على كل المصاعب صميده
ثم الظفيري في المصاعيب جبار **** والطيب والامداح باصله وطيده
ثم اذكر الاشراف بجلال واكبار **** اهل الحجاز اللي تفك الزهيده
ثم الهذيلي له مواقف ومندار **** راعي الفخر راعي العلوم السديده
ثم البقوم اللي لهم جيش وامهار **** ريف الضيوف ليا لفاهم وليده
واذكر ثقيف اللي لهم مجد وآثار **** ومهما حسبنا من كلام نعيده
وبلحارث اهل العز بشهود واقرار **** ا لحارثي ياطيب فعله وجيده
والمالكي معروف لا صار ما صار **** في موقف اهل الطيب يبذل جهيده
واثني تحياتي عدد وبل الامطار **** على سليم وكل خصم تكيده
واذكر جهينه هل مواقيف وادوار **** تلقى الجهيني راسم الطيب بيده
واذكر بلي والمجدله فعل واظهار **** وتاريخهم يحكي فعول فريده
وبني عطيه في المواجيب حضار **** قوم بوقت الجد قوم عنيده
ثم الحويطي والكرامه له اشعار **** ثم الشراري له فعول مفيده
ثم الرشيدي في الصعيبات صبار **** على علوم الطيب فعله يزيده
وباقي جنوب الدار والقاف مادار **** باقي على قلبي كلام واشيده
زهران نعم القوم في وقت الاضرار **** والخصم عينه من لقاها سهيده
والغامدي معروف له عزم واصرار **** راعي المراجل والعلوم المفيده
وشمران قوم والجمايل لها اطوار **** وبلقرن سم للقلوب النكيده
والاكلبي والمحلفي مابعد بار **** والحارثي طيبه وفعله يشيده
وبني شهر وبني عمر سيف بتار **** قوم على الاخصام نار وقيده
والاسمري والاحمري صيتهم سار **** بين القبايل والمواقف شهيده
واذكر عسير الهول ذربين الاذكار **** وابها احتموها فالسنين الشديده
وادهم والصيعر على حد الاقطار **** يحمون حد الدار من اللي يريده
وامشي مع الساحل مع جمله افكار **** رسمتها والطير زان اتغريده
وانزل على جيزان تاريخ واديار **** ورجال فيفا والقبايل عديده
وارجوا العذر واهل المواجيب عذار **** الي نسيته مانذكر في القصيده
الواهبي عدد ابيوته بالادوار **** من شاعر ماشل قلبه حقيده
شهران ربعي هم هل المدح والكار **** واهل الكند واهل السيوف الجديده
يوم البلد مايامن الزند لاثار **** زيزومنا ابن مشيط نعم الوليده
فالجهل شجعان وفي السلم تجار **** من بطن بيشه للتهم لارفيده
حبيت ابين موقفي بين شعار **** وارجوا سموحتكم على ذا النشيده
ماحب انافق واتعنصر تعنصار **** ولا ني باطيع اهل العقول البليده
ما كل من طب البحر قيل بحار **** وما كل من شل الفشق جاب صيده
فالشعر بستان به ورد وازهار **** واللي تعداها بيوته فقيده
واقولها في الشعر تكرار وامرار **** ضرف بلا عنوان يلغى بريده
وبعض السوالف له مواقف ومحضار**** وشعر بلا معنى لزوم نبيده
وصلوا على المرسول شفاع الابرار**** محمد الهادي وقدوة عبيده
وسلامتكم ...
مع خـآلص تحيآتي .. (( محمد آلفريدي )) ..
| |
| | | همس المشاعر نـآئـبــة آلـمدير آلـعـآم ..!
عدد المساهمات : 152 تاريخ التسجيل : 30/03/2011 الموقع : المدينة المنورة
| موضوع: رد: ششعر لجميع آلقبآيل ,, كل شخص يدخل ويدور قبيلته ,, رووووووعه ,, الجمعة أبريل 01, 2011 1:56 pm | |
| وقوم اعنزه مروين الاخصام الامرار **** اولاد وايل من عصور عهيده واذكر جهينه هل مواقيف وادوار **** تلقى الجهيني راسم الطيب بيده ماشاء الله مرررة حلوة لا يكون أنت كاتبها ؟؟ | |
| | | Moo7a آلمدير آلـــعــآم .. !
عدد المساهمات : 124 تاريخ التسجيل : 03/03/2011 العمر : 31 الموقع : ..آلــمديـنة آلمـنـــورة
| موضوع: رد: ششعر لجميع آلقبآيل ,, كل شخص يدخل ويدور قبيلته ,, رووووووعه ,, الجمعة أبريل 01, 2011 2:50 pm | |
| يــجوز ,,,
مششكورة ع آلمروور آلآكثر من رآآآئع ,,
بس آيش معنى آتجهتي للعنزي وآلجهني ,,
| |
| | | همس المشاعر نـآئـبــة آلـمدير آلـعـآم ..!
عدد المساهمات : 152 تاريخ التسجيل : 30/03/2011 الموقع : المدينة المنورة
| موضوع: رد: ششعر لجميع آلقبآيل ,, كل شخص يدخل ويدور قبيلته ,, رووووووعه ,, الجمعة أبريل 01, 2011 4:00 pm | |
| لإن جدتي فديتها عنزيه وأنا جهنية شكرا لك مرورك الأروووع | |
| | | ترآتيل فرح مششرٍفہ !
عدد المساهمات : 33 تاريخ التسجيل : 02/05/2011
| موضوع: رد: ششعر لجميع آلقبآيل ,, كل شخص يدخل ويدور قبيلته ,, رووووووعه ,, الأربعاء مايو 04, 2011 2:09 am | |
| جونآآآآآآنـ تقبل مروري.. | |
| | | بَحةِ آلـشُوِقْ. نـآئـبــة آلـمدير آلـعـآم ..!
عدد المساهمات : 155 تاريخ التسجيل : 14/04/2011 الموقع : فَ // حضضنّ ح ـلممَ مسستحَيلَ ♥ . . . !ّ
| | | | ← | مڛـڪ ✿ مششرٍفہ !
عدد المساهمات : 52 تاريخ التسجيل : 03/04/2011 الموقع : السسسسسـ ع ـوديآ
| موضوع: رد: ششعر لجميع آلقبآيل ,, كل شخص يدخل ويدور قبيلته ,, رووووووعه ,, الخميس يوليو 14, 2011 10:06 pm | |
| واذكر قبيلة حرب يانعم الاخيار **** وتاريخهم يحكي سطور مجيده ^ يَ لبييييهُ الحروبُ فتك بَ عافيهه..~ | |
| | | | ششعر لجميع آلقبآيل ,, كل شخص يدخل ويدور قبيلته ,, رووووووعه ,, | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
|